https://www.youtube.com/watch?v=9nVwpigcbAU
Blockchain.az

Blockchain Azərbaycan Mərkəzi

Haqqımızda

Blockchain Azərbaycan Mərkəzinin yaradılma məqsədi nədir?

Blockchain Azərbaycan Mərkəzi öz ətrafında İnformasiya Texnologiyaları, Blockchain, Kriptovalyutalar sahəsində ixtisaslaşmış şəxsləri toplayaraq, yeni texnologiyanın ölkəmizdə inkişafı istiqamətində zəruri addımlar atılması üçün yaradılmışdır. Qurumun əsas məqsədi Blockchain və Kriptovalyutalar ilə bağlı təkliflərin hazırlanması, tətbiqi sahələrinin təyin edilməsi, mövzuya aid təlim-tədrisin təşkili, konsultasiya və tədbirlərin təşkil olunmasıdır.

Tərəfimizdən həmçinin fərdi və özəl şirkətlər üçün blockchain texnologiya əsaslı həllərin təqdim olunması da təşkil olunacaq. BAM olaraq yerli startap layihələrə İCO-ların təşkili, konsulatsiyaların verilməsi, dəstəyin göstərilməsi də planlanır. Bu istiqamətdə daha effektiv fəaliyyət üçün biz beynəlxalaq blockchain əsaslı şirkət və qurumlarla əməkdaşlıq edəcəyik.

Mərkəzin fəaliyyət sahələri

Təlim və Tədris

Blockchain texnologiyası və kriptovalyutaları daha aydın başa düşmək üçün həm saytımız, həm də fərdi və ya şirkətlər üçün canlı təlimlərin təşkili.

Konsultasiya

Blockchain texnologiyasını şirkət və ya layihəsində tətbiq etmək istəyən şəxs və ya qurumlar üçün, konsultasiyaların verilməsi.

Blockchain həllər

Texnologiyadan istifadə edərək, məlumatların təhlükəsizliyi, smart kontraktların hazırlanması və tətbiqi üzrə xidmətlər.

Tədbirlər

Yerli və xarici şirkətlərlə əməkdaşlıq edərək, kriptovalyuta və blockchain mövzularında tematik tədbirlərin təşkil edilməsi.

Qısa məlumat kartları

Blockchain, bitcoin sözlərini eşidib, mənalarını bilmirsinizsə, qısa məlumat kartlarımız köməyinizə gələcək.

Komandamız İlə tanış olun

Telman Axundov

Akhundoff Group, Portmanat.az

Xarkov Politexnik İnstitutunu (Ukrayna) Kompyuter Mühəndisliyi ixtisası üzrə bitirmişdir. Azərbaycan Elmlər Akademiyasının Kibernetika İnstitutunda elmi işçi vəzifəsində çalışmışdır. Bir neçə uğurlu İT və İnternet bizneslərini qurmuşdur. Strateji Planlaşdırma və Biznesin İdarə edilməsi sahəsində 20 ildən çox təcrübəyə malikdir.

Sabit Bağırov

Sahibkarlığa və Bazar İqtisadiyyatının İnkişafına Yardım Fondu

Sabit Aydın oğlu Bağırov 1948-ci ildə Gəncə şəhərində anadan olmuşdur.

1971-ci ildə Azərbaycan Neft və Kimya İnstitutunu 1972-ci ildə isə həmin institutun aspiranturasını bitirmişdir.

1987-ci ildə SSRİ Elmlər Akademiyasının İdarəetmə Problemləri İnstitutunda elmi dissertasiyanı müdafiə etmişdir.

1971-1972-ci illərdə Azərbaycan Neft və Kimya İnstitutunda mühəndis vəzifəsində çalışmışdır.

1974-1977-ci illərdə Ümumittifaq Elmi Tədqiqat və Neft Maşınqayırma Texnologiyaları İnstitutunun laboratoriya müdiri olmuşdur.

1977-1992-ci illərdə AZNEFTKİMYAMAŞ Konsernin Məlumat Hesablama Mərkəzinin layihələndirmə üzrə direktor müavini vəzifəsində çalışmışdır.

1992-1993-cü illərdə Strateji Proqramlar üzrə Dövlət Müşaviri və Azərbaycan Respublikası Dövlət Neft Şirkətinin prezidenti vəzifələrində işləmişdir.

1993-1994-cü illərdə Azərbaycan Respublikasının Prezidenti yanında Ali Attestasiya Komissiyasının departament rəhbəri vəzifəsində çalışmışdır.

1994-cü ildən Sahibkarlığın və Bazar İqtisadiyyatının İnkişafına Yardım Fondunun və İqtisadi və Siyasi Araşdırmalar Mərkəzinin prezidenti vəzifələrində çalışır.

1994-2004-cü illərdə Xəzər enerji layihələri üzrə müxtəlif şirkətlərdə məsləhətçi vəzifəsində çalışmışdır.

1995-ci ildən Center for International Private Interprise (USA), Eurasia Foundation (USA), Open Society Institute (USA), Transparency International, Fridrich Nauman Foundation (Germany), Fridrich Ebert Foundation (Germany) və s. təşkilatları tərəfindən maliyyələşdirilən müxtəlif layihələrin rəhbəri olmuşdur.

1998 və 2004-cü illərdə Dünya Bankının Azərbaycan enerji layihələrində məsləhətçi olmuşdur.

Hazırda Şəffaflıq-Azərbaycan təşkilatının İdarə Heyətinin və EİTİ-Azərbaycan QHT Koalisiyası Şurasının üzvüdür.

1992-ci ildən WB, IMF, IFC, EBRD, OECD, CIPE, TI, IREX, OSI və sair təşkilatların keçirdiyi beynəlxalq konfranslarda məruzəçi və iştirakçı qismində iştirak etmişdir.

Ailəlidir, 3 övladı var.

Osman Gündüz

Azərbaycan İnternet Forumu, Multimedia Mərkəzi, BDU, Startap Azərbaycan, İctimai Şura

Gündüz Osman Mehdi oğlu 24 mart 1961-ci ildə Balakən rayonunda anadan olub.
1983-də riyaziyyatçı ixtisası üzrə BDU-nun mexanika-riyaziyyat fakultəsini bitirib.
Riyaziyyat və informatika sahəsində pedaqoji fəaliyyətlə məşğul olub. Gənclər təşkilatları və İcra hakimiyyəti sistemində çalışıb. 1995-ci ildən Demokratiyanın İnkişafı Fondunda çalışıb.

Osman Gündüz uzun müddətdir ki, informasiya texnologiyalarının və milli İnternet infrastruktrunun inkişafı sahəsində çalışır.
1997-ci ildə ölkədə informasiya texnologiyaları sahəsində ilk qeyri- hökümət təşkilatının - Multimedia Mərkəzinin təsisçisi və rəhbəri olub. 2002-ci ildə Multimedia Mərkəzi digər ictimai qurumlarla birgə uzun sürən məhkəmə çəkişmələrindən sonra Azərbaycan İnternetində senzuranın aradan qaldırlması sahəsində uğurlu fəaliyyət göstərib.
2002-ci ildə Azərbaycan İnternet Forumunun təsisçilərindən olub və hazırda onun prezidentidir. AİF Azərbaycan İnternet infarstrukturunun formalaşması və inkişafında mühüm rol oynayıb.
2009-cu ildə AİF tərəfindən milli informasiya resursların inkişafına ciddi təkan verən Milli İnternet Mükafatı - Milli Net (www.millinet.az) təsis olunub.
2013-cü ildə AİF tərəfindən İnternet biznesin inkişafına kömək məqsədilə Startup Azərbaycan Layihəsinə başlanıb.

“Multimedia” Mərkəzinin direktoru, Azərbaycan İnternet Forumunun prezidenti Osman Gündüz İnternet, İnformasiya Azadlığı və İKT sahəsi ilə əlaqəli müxtəlif yerli və beynəlxalq tədbirlərin təşkilatçısı və iştirakçısıdır.

İnformasiya-komunikasiya texnologiyaları və KİV -lə bağlı bir sıra qanun layihələrinin hazırlanması üzrə Milli Məclisin İşçi Qruplarının üzvü olub.

Ölkədə ilk milli multimedia məhsulu olan “Azərbaycan panoramı” informasiya sisteminin (1997-98), təhsildə İKT-nin tətbiqinə əsaslanan “AzTest” və ``AzTarix`` interaktiv tədris vəsaitlərinin, AzLaws elektron qanunvericilik bazasının, AzSchool və Bələdiyyə İnformasiya sistemlətinin və digər elektron məhsulların müəllifi və hazırlanması ilə bağlı layihələrin rəhbəri olub.

Rəhbərlik etdiyi Mərkəz tərərfindən İnformasiya Azadlığı -Onlayn şəffaflıq (www.informasiya.org), Uşaqların İnternetdə təhlükəsizliyi (www.netsafe.az), Təhsildə Informasiya texnologiyaları (www.tehsil.org), Informasiya Cəmiyyətinin Jurnalisti (www.telim.org), Yeni Media (www.yenimedia.az) Layihələri həyata keçirilir.

2012-ci ildə ali təhsil müəssisələrində tədrisi nəzərdə tutulan və Təhsil Nazirliyi tərəfindən təsdiq olunan Yeni medianın tədris Modullarını hazırlayıb.
2013-cü ildə Multimedia Mərkəzi tərəfindən, onun rəhbərliyi ilə həyata keçirilən ``Yeni medianın tədrisinin təkmilləşdirilməsi`` Layihəsi çərçivəsində BDU-da İnternet Studiya yaradılıb.
“İnternet. Azərbaycan İnternet Resusları” (2005-2010), ``Mobil telefon və kompüter`` (2007), ``Jurnalistlər üçün informasiya texnologiyaları``(2009) kitablarının müəllifidir.
“Kompüter. İnformasiya texnologiyalarının əsasları” (2006) və ``Müəllimlər üçün sosial servislər`` (2012) kitablarının həmmüəllifidir.
Rəhbərlik etdiyi qurum tərəfindən 2008-ci ildə Delphi kitabı nəşr olunub və 2009-cu ildə Jurnalistika2.0 kitabı Azərbaycan dilinə tərcümə edilərək çap olunub.

Təhsil Nazirliyi nəzdində fəaliyyət göstərən Elektron resurslar və Uşaqların informasiya təhlükəsizliyi ilə əlaqəli Şuraların, Elektron təhsil müsabiqəsi üzrə Komissiyanın üzvüdür.
2013-cü ildə Prezident yanında Vətəndaşlara Xidmət və Sosial İnnovasiyalar Dövlət Agentliyində yaradılan Elektron Xidmətlərin Təşviqi üzrə İctimai Şuranın Kordinatoru seçilib .
2013-cü ildən Rabitə və İnformasiya Texnologiyaları Nazirliyi yanında İnformasiya Texnologiyalarının inkişafı Dövlət Fondunun Müşahidə Şurasının üzvüdür

2006-cı ildən Bakı Dövlət Universiteti, Bakı Slavyan Universiteti və Qərb Universitetində İnternet jurnalistika - Yeni media ilə əlaqəli fənləri tədris edib.
Hazırda BDU-nun Jurnalistika fakultəsində Yeni media fənni üzrə müəllim olaraq çalışır.
2007 - 2009-cu illərdə Turizm İnstitunda İnformasiya texnologiyaları fənnini tədris edib.
Yeni media sahəsi ilə əlaqəli elimi araşdırmalarla məşğuldur.

İnformasiya və Kommunikasiya texnologiyaalrı üzrə ``Xeberler.az`` Portalının Baş redaktorudur.

1990, 1995, 2000 və 2005-ci illərdə parlament seçkilərində deputatlığa namizəd olub.

2010 - 2011- ci illərdə ABŞ-ın Kanzas və Oklahoma Dövlət Universitetlərində Yeni media ilə bağlı təhsil alıb, təhsildə informasiya texnologiyaları və yeni media sahəsində təcrübə mübadiləsində iştirak edib

Elnur Quliyev

KriptoInvest.az

Far far away, behind the word mountains, far from the countries Vokalia and Consonantia, there live the blind texts. Separated they live in Bookmarksgrove right at the coast of the Semantics, a large language ocean. A small river named Duden flows by their place and supplies it with the necessary regelialia. It is a paradisematic country, in which roasted parts of sentences fly into your mouth.

Orxan Əhmədov

Waves Ambassador, ONEnet Solutions, AMAK

1983-cü ildə Bakı şəhərində anadan olmuşdur.

2000-2004 Bank Menecmenti üzrə Qafqaz Universitetinin Bakalavr məzunudur.
2004-2006 Biznesin təşkili və İdarəedilməsi üzrə Qafqaz Universitetinin Magistr dərəcəsini əldə etmişdir.

Sənan Həsənov

BMGI, Radio Antenn

Beynəlxalq Erickson kouçluq məktəbi tərəfindən sertifikatlaşdırılmış biznes kouçdur. Bank sektorunda - satış və marketinq sahəsində 12 ildən artıq təcrübəsi vardır. Kriptovalyuta, blokçeyn və ICO layihələri üzrə araşdırmaçı, investor və təlimçi olaraq fəaliyyət göstərir. Ali İqtisadi təhsilə malikdir. Həmçinin Niderland Marketinq institutunun eksperti olaraq NIMA Marketing A və B proqramları üzrə tədris edir. Korporativ satış texnikaları, Effektiv ünsiyyət, Vaxtın idarə olunması, Marketinq və s. mövzularda təlimlər verir. Təlimlərin praktiki, asan başadüşülən və interaktiv formada aparılmasını həyata keçirərək hər bir təlim iştirakçısının maksimum fayda əldə etməsini təmin edir. Hal hazırda, radio Antennin icraçı direktoru olaraq çalışır. Həmçinin, BMGI şirkətinin həmtəsisçisidir.

Blockchain Azərbaycan Mərkəzi

Komandamıza üzv olun

Blockchain və Kriptovalyutalar professional həyatınızın bir hissəsidir və biliklərini digər şəxslər ilə paylaşmaq istəyirsinizsə, buyurun komandamıza qoşulun.

Bunun üçün sadəcə bizə yazaraq, nə üçün Blockchain Azərbaycan Mərkəzinin üzvü olmaq istədiyiniz və əlavə edə biləcəyiniz qatqı haqqında məlumat verin.

Blockchain tədbirləri

Blockchain və Kriptovalyutalar ilə bağlı gözlənilən tədbirlər.

Blockchain Conference Azerbaijan 2018
Bakı, Azərbaycan
7.12.2018 ƏTRAFLI
eCommerce 1.0 Forum by Shop.az
Bakı, Azərbaycan
8.12.2018 ƏTRAFLI